Jón Axel Guðmundsson og Fraport Skyliners lögðu Rasta Vechta fyrr í dag í þýsku bikarkeppninni, 80-89. Skyliners því komnir með tvo sigurleiki en eitt tap í keppninni til þessa, en áður höfðu þeir tapað fyrir Göttingen áður en þeir unnu Giessen í gær.
Jón Axel var atkvæðamesti leikmaður vallarins í dag, á rúmri 31 mínútu spilaðri skilaði hann 22 stigum, 4 fráköstum og 5 stoðsendingum. Þá var hann einkar skilvirkur í leiknum, setti öll 3 þriggja stiga skot sín niður og var með 86% skotnýtingu í heildina.
