11:52
{mosimage}
(Jón Arnór skorar 2 af 20 stigum sínum í leiknum í gær)
Jón var ekki á því að menn ættu að vera niðurlútir eftir leikinn því Svartfjallaland væri í raun topp A-þjóð. “ Þetta er nátturulega bara topp A-þjóð í körfubolta, eða þeir verða það. Þeir voru mjög ósáttir við það að þurfa að taka þátt í þessari B deild, fannst það vera svona svolítið niðurlægandi". Svona hugsunarháttur dregur þó ekki úr mönnum eins og Jón Arnóri. “ Við förum nátturulega í alla leiki til þess að gera okkar besta og við vorum ágætir í byrjun en það var eftir nokkrar mínútur að við misstum aðeins tökin á þessu. Einbeitingin datt svolítið niður og þá trúðum við kannski ekki alveg nógu mikið á þetta en við náðum að rífa okkur upp í seinni hálfleik”.
Íslands skoraði aðeins 66 stig í leiknum í gær og spyrja menn hvort það sé sóknarleikurinn sem er að klikka. “ Já, sérstaklega á móti svona stórum köllum, drekum. Þeir eru að setja að setja pressu á okkur og eru með góða varnartaktík. Þeir eru að loka á þegar við erum að taka þessa “vaggó-veltu” og svo eru þeir bara með einhverja durga þarna inní sem standa bara inní miðjunni. Það er erfitt að drive-a á körfuna, erfitt fyrir okkar stóru kalla að fá eitthvað. Við erum nátturulega litlir þannig að við lifum og deyjum með þriggja stiga skotum og þessum jump-skotum. Það er ekkert hægt að treysta á það”.
Jón Arnór var mjög spenntur fyrir næsta og jafnframt lokaleik Íslenska liðsins í fyrri umferð B-deildarinnar. “ Við erum bara spenntir að klára þetta dæmi með stæl. Ég tel að við eigum miklu meiri séns að vinna í Austurríki. Það er svona leikur sem gæti snúið þessu við. Við töpum hérna heima en gætum unnið það upp með Austurríkisleiknum”. Er það raunhæf krafa að vinna þann leik? “ Það verður að vera það. Við krefjumst þess að koma í leikinn með það í huga að vinna leikinn. Annars geta menn bara verið heima”.
Gísli Ólafsson
Mynd: [email protected]