CB Granada, lið Jóns Arnórs Stefánssonar, í spænsku úrvalsdeildinni vann mikilvægan sigur í dag þegar þeir lögðu eitt af stórveldum spænska boltans DKV Joventut að velli 67-74 í Badalona. Jón fór mikinn með liði sínu sem er eftir sigurinn komið með þrjá sigra í deildinni.
Jón Arnór var stigahæstur hjá Granada með 19 stig. Hann nýtti tvö af fjórum teigskotum sínum. Setti þrjú af átta þriggja-stiga skotum sínum og öll sex vítin sín ofaní.
Hann var einnig með fjögur fráköst og eina stoðsendingu.
Sjá allan leikinn í sjónvarpi spænsku deildarinnar.
Mynd: Jón Arnór var stigahæstur í dag þegar Granada kom á óvart og vann Joventut á þeirra eigin heimavelli.
