Jólasteikin bítur ekki á Kobba-form

Jakob Örn Sigurðarson gerði 17 stig og tók 2 fráköst í sænsku úrvalsdeildinni í kvöld þegar lið hans Boras Basket hafði 87-77 heimasigur á Umea Bskt. Ljóst að jólasteikin bítur ekkert á afreksform íþróttamannsins sem alla jafna er kallað „Kobba-form.“

Toni Vitali var stigahæstur hjá Boras með 21 stig en aðeins 10 leikmenn voru á skýrslu hjá Boras í kvöld en liðið tekur einnig þátt í FIBA Europe Cup og er þar komið áfram í milliriðla. Álagið hefur verið umtalsvert og nokkuð um meiðsli í herbúðum liðsins. Eftir sigurinn í kvöld er Boras í 2. sæti sænsku úrvalsdeildarinnar með 22 stig.

Hlynur Bæringsson og Drekarnir frá Sundsvall fengu topplið Södertalje í heimsókn í kvöld. Sundsvall varð að játa sig sigrað á heimavelli, 73-82. Hlynur Bæringsson gerði 14 stig í leiknum, tók 9 fráköst og gaf 2 stoðsendingar. 

Staðan í deildinni