Jólafríið: Snæfell á toppnum með tíu í röð!

Domino´s deild kvenna eins og aðrar deildir í íslenska boltanum er komin í jólafrí. Íslandsmeistarar Snæfells munu tróna á toppi deildarinnar yfir jólahátíðina með fjögurra stiga forystu á toppi deildarinnar. Keflavík og Haukar fylgja þó fast á hæla þeirra og Grindavík hélt inn í jólin sem liðið í síðasta sætinu fyrir úrslitakeppnina.

 

 

Ef sjoppunni yrði lokað í dag væru þá Hólmarar deildarmeistarar og fengju Grindavík í fyrstu umferð úrslitakeppninnar og í hinni rimmunni mættust Keflavík og Haukar. Valur, KR og Hamar myndu sitja eftir og nýliðar Breiðabliks fengju það hlutskipti að halda í 1. deild kvenna á nýjan leik. Eins og gefur að skilja er veislan bara hálfnu og enn mikið vatn órunnið til sjávar. Við ætlum hér að neðan að líta á stöðuna í deildinni og helstu tölfræðileiðtogana en Haukakonan Lele Hardy fer t.d. í jólafrí með tröllatvennumeðaltal, 27,8 stig og 19,2 fráköst og topplið Snæfells er á fantasiglingu með tíu sigurleiki í röð.

 

Eftir smá eftirgrennslan, og tölurnar hér á eftir upptalningunni styðja við nafngiftirnar þá hljóta eftirtaldir leikmenn eftirtaldar nafnbætur yfir jólin:

 

Þjófur deildarinnar: Lele Hardy

Vítaskytta deildarinnar: Carmen Tyson-Thomas

Besta teigskytta deildarinnar: Rachel Tecca

Besta þriggja stiga skytta deildarinnar: Bergþóra Holton Tómasdóttir

Framlagsvél deildarinnar: Lele Hardy

Gjöfulasti leikmaður deildarinnar: Hildur Sigurðardóttir

Frákastamaskínan: Lele Hardy

Stigamaskínan: Lele Hardy