09:20
{mosimage}
(Jakob Örn)
Univer Kecskemét lið Jakobs Arnar í Ungverjalandi sigruðu Lami-Véd-Körmend 91-80 á heimavelli, staðan í hálfleik var 39-39. Jakob Örn skoraði 10 stig og var með alhliða góðan leik.
Univer Kecskemét eru í sjöunda sæti deildarinnar einu sæti ofar en mótherjar þeirra í dag. Leikurinn var í járnum allan leikinn og höfðu heimamenn forystu eftir fyrsta leikhluta 20-19. Í hálfleik var jafnt 39-39 og mikil spenna í gangi.
Í þriðja leikhluta náðu gestirnir í Lami-Véd-Körmend forystu 55-58 en fjórði leikhluti var eign heimamanna og sigruðu þeir örugglega 91-80 með því að skora 36 stig gegn 22.