Landsliðsmaðurinn Jakob Örn Sigurðarson var í gærkvöldi útnefndur íþróttamaður ársins 2011 í Sundsvall. Við sama tilefni var körfuboltalið Sundsvall valið lið ársins. Jakob kemur því drekkhlaðinn verðlaunum frá árinu 2011 þar sem hann var einnig útnefndur körfuknattleiksmaður ársins á Íslandi á síðastliðnu ári.
Jakob situr ekki aðgerðalaus því í kvöld taka hann og Hlynur Bæringsson á móti Helga Magnússyni og félögum í 08 Stockholm HR. Pavel Ermolinski er enn fjarverandi í liði Sundsvall sökum meiðsla.
Karfan.is óskar Jakobi til hamingju með útnefninguna.
