Ísrael mættu vel stemmdir í annan leikhluta rétt eins og í þann fyrsta og settu fyrstu 4 stig leikhlutans þangað til Haukur Pálsson minnkaði aftur muninn fyrir Ísland, 22-33. Íslenska liðið svaraði leik Ísraela vel í öðrum leikhluta og börðust vel fyrir hverjum bolta. Munurinn á liðunum hélst því í kringum 10 stig. Nýtingin hjá Íslenska liðinu var þó ekkert til að hrópa húrra fyrir því þegar Ísreal tók leikhlé í stöðunni 27-39, hafði Íslenska liðið aðeins nýtt 5 af 20 skottilraunum sínum fyrir innan þriggja stiga línuna. Þegar leið á annan leikhluta fóru gestirnir aftur að sigla framúr og þegar þrjár mínútur voru eftir af fyrri hálfleik höfðu þeir náð forskotinu upp í 19 stig, 29-48. Ísrael var að hitta lygilega vel og höfðu ekki klikkað fyrir utan þriggja stiga línuna í þeim sjö skotum sem þeir höfðu tekið fyrir utan. Hlynur Bæringsson minnkaði muninn niður í 15 stig þegar innan við mínúta var eftir af fyrri hálfleik. Ísland átti síðustu sókn seinni hálfleiks en þeir fengu þá innkast á miðlínu þegar fjórar sekúndur voru eftir, Hlynur fékk boltan og var sendur á vítalínuna og nýtti annað skotið. Það munaði því 14 stigum á liðunum þegar flautað var til hálfleiks, 36-50.
Jón Arnór Stefánsson var yfirburðamaður hjá Íslenska liðinu í fyrri hálfleik, hann skoraði 14 stig og var að spila góðan varnarleik á helsta sóknarmann gestanna, Omri Casspi sem skoraði ekki stig í öðrum leikhluta eftir 9 stig í þeim fyrsta. Hlynur Bæringsson átti einnig fínan fyrri hálfleik með 9 stig og 7 fráköst.
Jakob Sigurðsson skoraði fyrstu stig Íslands í seinni hálfleik sem Ísreal svaraði með 5 stigum. Haukur Pálsson kveikti þá allhressilega í pöllunum með glæsilegri troðslu, 40-55. Íslenska liðið lét gestina finna fyrir sér í upphafi seinni hálfleiks og uppskáru nokkur góð tækifæri. Það vantaði hins vegar nokkuð uppá að nýta þau en liðið var að klikka úr nokkuð auðveldum skotum og gefa boltan frá sér. Þegar þriðji leikhluti var hálfnaður höfðu gestirnir náð forskotinu upp í 23 stig, 43-66. Omri Casspi hafði þá nýtt sér mistök Íslands í sókninni, keyrt upp völlinn og troðið boltanum með stæl. Gestirnir keyrðu yfir Íslenska liðið á næstu mínútum og juku forskotið örugglega. Þegar þrjár mínútur voru eftir af leikhlutanum var forskot gestanna 25 stig, 48-73. Íslenska liðið virtist vera að mæta algjörum ofjörlum í þessum leikhluta og þegar honum var lokið var forskot gestanna komið í 29 stig, 51-80.
Það var hins vegar annar bragur á leiknum í fjórða leikhluta en Íslenska liðið náði strax að minnka muninn niður í 25 stig áður en Ísland tók leikhlé, 59-84. Þegar munurinn var kominn niður í 23 stig og Haukur Pálsson á leiðinni á vítalínuna tóku gestirnir leikhlé, 7 mínútur eftir á klukkunni, 63-86. Mikið nær en það komust þeir þó ekki því Ísreal svaraði alltaf um hæl.
Þegar fjórði leikhluti var hálfnaður var staðan 65-89 og lítið sem benti til þess að Ísland gæti stöðvað sóknaraðgerðir Ísrael. Gestirnir skoruðu 11 stig gegn 2 stigum Íslands á skömmum tíma um miðbik fjórða leikhluta og Ísland tók því leikhlé þegar munurinn á liðunum var aftur kominn í 30 stig, 67-97. Logi fékk sína fimmtu villu þegar þrjár mínútur voru eftir af leiknum og var þess vegna sendur á bekkinn. Bæði Brynjar Þór og Axel Kárason náðu að setja mark sitt á leikinn með sitt hvorum þristnum á lokamínútunni og þegar lokaflautan gall var munurinn á liðunum kominn í 27 stig, 83-110.
Næsti leikur Íslands er virkilega erfiður útileikur gegn Svartfjallalandi á föstudaginn og þar á eftir er það heimaleikur á mánudaginn gegn Eistlandi. Við hvetjum alla til þess að fjölmenna á þann leik og styðja íslenska liðið.
Umfjöllun/ [email protected]
Mynd/ [email protected]
