Íslenska landsliðið er á lokametrum í undirbúningi sínum fyrir lokamót EuroBasket sem rúllar af stað nú í lok mánaðar. Liðið heldur af landi brott komandi fimmtudag til Litháen, þar sem þeir munu mæta heimamönnum á föstudag, en þaðan mun liðið svo ferðast til Katowice í Póllandi þar sem lokamót EuroBasket mun fara fram.
Fyrr í dag birti vefmiðill FIBA niðurstöðu kosninga fjölmiðla fyrir mótið í hinum ýmsu flokkum. Einn af þeim var hvaða lið á eftir að eiga bestu aðdáendurnar sem ferðast með liðinu.
Í þeirri kosningu fulltrúa fjölmiðla er talið að íslenska liðið verði með sjöttu bestu aðdáendur mótsins. Í efsta sætinu er Litháen, Finnland í öðru, Serbía þriðja, Grikkland fjórða og Eistland því fimmta.
Bestu aðdáendur komandi lokamóts
| Sæti | Þjóð | Hlutfall atkvæða |
|---|---|---|
| 1 | Litháen | 21.5% |
| 2 | Finnland | 14.6% |
| 3 | Serbía | 13.8% |
| 4 | Grikkland | 12.3% |
| 5 | Eistland | 10.0% |
| 6 | Ísland | 7.7% |
| 7-8 | Lettland | 4.6% |
| Slóvenía | 4.6% | |
| 9 | Bosnía | 3.1% |
| 10 | Pólland | 2.3% |
Hér fyrir neðan má sjá söng íslensku stuðningsmannanna þegar Ísland hóf leik á lokamóti EuroBasket 2017 í Helsinki
