Ísland, Slóvenía og Belgía bíða enn eftir fyrsta æfingaleikssigrinum

Íslenska landsliðið heldur undirbúningi sínum áfram fyrir lokamót EuroBasket sem fer af stað í lok mánaðar.

Í gær flaug liðið til Porto í Portúgal til að að spila tvo æfingaleiki. Leikirnir fara fram í Braga og verða báðir leikirnir í beinni útsendingu á RÚV2.  

Fimmtudagur 14. ágúst: Svíþjóð – Ísland kl. 19:30 á Rúv 2

Föstudagur 15. ágúst: Portúgal – Ísland kl. 19:30 á Rúv 2

Hérna er 13 leikmanna hópur Íslands í Portúgal

Leikirnir eru tveir af fimm sem liðið mun leika fyrir mótið, en áður hafði liðið tapað fyrir Ítalíu og Póllandi úti í Trentino. Lokaæfingaleikur liðsins mun svo vera þann 23. ágúst gegn Litháen.

Þó mögulega sé ekki hægt að ráða allt í niðurstöður æfingaleikja er þar ýmislegt sem hægt er að fylgjast með. Líkt og áhorfendur á þessa fyrstu æfingaleiki íslenska liðsins sáu var liðið vissulega að reyna að vinna, en það var ekki á kostnað þess að allir leikmenn liðsins gætu spreytt sig.

FIBA heldur utan um æfingaleiki allra liða sem fara á lokamótið og er Ísland alls ekki eina liðið sem tapað hefur fyrstu æfingaleikjum sínum. Sé litið sérstaklega til riðils Íslands á mótinu má sjá að bæði Belgía og Slóvenía hafa einnig tapað öllum leikjum sínum, Pólland hefur unnið tvo leiki og Ísrael og Frakkland hafa unnið þrjá leiki.

Æfingaleikir D riðils: