Íslenska kvennalandsliðið í körfubolta mætir aftur til leiks í marsmánuði þegar tveir mikilvægir leikir fara fram í undankeppni EuroBasket 2027. Pekka Salminen, landsliðsþjálfari, og þjálfarateymi hans hafa valið þann hóp sem á að tryggja liðinu góð úrslit í komandi glugga.
Liðið hefur leik miðvikudaginn 11. mars í Novi Sad þar sem öflugt lið Serba bíður þeirra klukkan 17:00. Eftir þá rimmuna heldur hópurinn heim á leið, því þriðjudagskvöldið 17. mars klukkan 19:30 mætir liðið Portúgal í Ólafssal.
Tólf leikmenn munu ferðast út til Serbíu á laugardaginn. Við heimkomu bætast þrír leikmenn til viðbótar við hópinn sem munu æfa með liðinu og búa það undir heimaleikinn gegn Portúgal.
Leikmennirnir sem leika gegn Serbíu:
Anna Ingunn Svansdóttir – Keflavík
Ásta Júlía Grímsdóttir – Valur
Danielle Rodriguez – Njarðvík
Isabella Ósk Sigurðardóttir – Grindavík
Kolbrún María Ármannsdóttir – TK Hannover Luchse
Rebekka Rut Steingrímsdóttir – KR
Sara Rún Hinriksdóttir – Keflavík
Sigrún Björk Ólafsdóttir – Haukar
Tinna Guðrún Alexandersdóttir – Haukar
Thelma Dís Ágústsdóttir – Keflavík
Þóra Kristín Jónsdóttir – Haukar
Þóranna Kika Hodge-Carr – Valur
Til viðbótar við ofangreindan hóp munu þær Berglind Katla Hlynsdóttir, Eva Wium Elíasdóttir og Kristrún Ríkey Ólafsdóttir taka þátt í æfingum liðsins fyrir heimaleikinn gegn Portúgal.
