Hrunamenn tóku á móti ÍR í fyrsta leik ársins 2024 á Flúðum. Þjálfari liðsins sat af sér leikbann og liðinu var stýrt af fyrrum leikmönnum liðsins, Hauki Hreinssyni og Orra Ellertssyni. Hrunamenn tefldu fram nýjum/gömlum leikmanni. Sam Burt sem lék með Snæfelli fyrir áramótin en með Hrunamönnum á síðustu leiktíð skrifaði undir samning við Hrunamenn fyrir skemmstu. Meiðsli héldu Hringi Karlssyni leikmanni Hrunamanna frá þátttöku í leiknum.
Hrunamenn skorðuðu 92 stig í leiknum en ÍR liðið gerði enn betur því það skoraði 116 stig. ÍR reyndi að hafa leikinn hraðan en Hrunamenn hægan. ÍR liðið var betra á flestum sviðum leiksins. Fjöldi stuðningsmanna fylgdi Breiðhyltingum austur í Hrunamannahrepp og lét vel í sér heyra og heimamenn fjölmenntu líka í stúkuna. Stemmningin lofar góðu fyrir framhaldið.
Stigahæstu leikmenn ÍR:
Oscar Jörgensen 23
Lamar Morgan 18
Zarko Jukic 15
Friðrik Leó Curtis 15
Collin Pryor 14
Lúkas Stefánsson 12
Atkvæðamestir Hrunamanna:
Chance Hunter 23 stig
Aleksi Liukko 18 stig, 12 fráköst
Eyþór Orri Árnason 11 stig, 8 stoðsendingar
Myndasafn (Brigitte Brugger)
