ÍR sendi frá sér fréttatilkynningu í dag þar sem kemur fram að körfuknattleiksdeild ÍR hefur samið við Jón Arnar Ingvarsson til tveggja ára. Jón Arnar þekkir vel til í herbúðum ÍR eins og kemur fram í tilkynningunni en hann starfaði þar sem þjálfari meistaraflokks ÍR frá árinu 2006. ÍR-ingar binda miklar vonir við ráðningu Jóns og minnast frábærs árangur sem hann náði sem þjálfari liðsins hér á árum áður.
"Stjórn körfuknattleiksdeildar ÍR hefur samið við Jón Arnar Ingvarsson
um að taka að sér þjálfun meistaraflokks karla. Samið var til tveggja ára.
Jón Arnar er ÍR-ingum vel kunnugur. Jón Arnar tók við ÍR árið 2006 og gerði
liðið að bikarmeisturum sama tímabil, sælla minninga. Auk þess sem liðið fór
í undanúrslit í Iceland Express deild karla tímabilið 2007-2008.
Stjórn KKD ÍR fagnar endurkomu Jóns Arnars til félagsins enda mikill fagmaður þar á ferð."
[email protected]
