Ekki var öll von úti enn fyrir ÍR að halda sæti sínu í deildinni fyrir leiki kvöldsins. Til þess að svo yrði þurftu þeir að treysta á að Breiðablik myndi vinna Hött í Smáranum, sjálfir að vinna Keflavík í þessum leik og svo í síðustu umferðinni að leggja Hött með 11 stigum eða meira á Egilsstöðum.
Fór svo í kvöld að Höttur lagði Breiðablik í Smáranum og eru þeir því komnir með 16 stig, sex stigum á undan, en ÍR getur ekki unnið upp í þessum lokaleikjum sínum gegn Keflavík og Hetti. Þeir eru því fallnir í fyrstu deildina með KR, sem eru í sætinu fyrir neðan þá.
