Leikmenn Grindavíkur, þær Ingunn Embla Kristínardóttir og Ingibjörg Jakobsdóttir, eru báðar meiddar og verða að öllum líkindum frá næstu 2 vikurnar. Ingibjörg er með brotið rifbein eftir að hafa meiðst í leik um meistara meistaranna. Ingunnn er úlnliðsbrotin eftir að hafa sett hann fyrir sig við fall á æfingu á mánudaginn síðastliðinn, en brot hennar mun þurfa að skoða aftur eftir 2 vikur og verður þá ákveðið af lækni hvort hún þarf að fara í aðgerð á honum eða ekki.
