Indiana vann toppslaginn

Átta leikir fóru fram í NBA deildinni í nótt og fór fram stórleikur í Bankers Life Fieldhouse í Indianapolis þegar heimamenn í Pacers tóku á móti Miami Heat. Meistarar Miami byrjuðu vel og benti flest til sigurs þeirra framan af en heimamenn áttu öflugan þriðja leikhluta sem kom þeim á réttan kjöl og lokuðu svo leiknum 90-84.

 

 

Hinn stóri og stæðilegi Roy Hibbert var atkvæðamestur í liði Indiana með 24 stig og 5 fráköst en hjá Miami voru þeir félagar LeBron James og Dwyane Wade báðir með 17 stig. James bætti svo við 14 fráköstum og 6 stoðsendingum.

 

Annar leikurinn hjá Kobe Bryant eftir endurkomuna og kallinn setti 20 stig en þrettánda leikinn í röð gerðu Suns 7 þrista eða meira (7-23) í einum leik og kláruðu dæmið 108-114 þar sem Goran Dragic gerði 31 stig í liði Suns.