ÍA hefur samið við Victor Bafutto um að leika með liðinu á komandi tímabili í fyrstu deild karla.
Victor er 26 ára 208 cm brasilískur miðherji með franskt vegabréf, en hann kemur til ÍA frá Melilla á Spáni, en það var hans fyrsta tímabil sem atvinnumaður. Fyrir það hafði hann verið á mála hjá Mercer í bandaríska háskólaboltanum. Þá var hann einnig á sínum tíma hluti af undir 18 ára liði Brasilíu.
