Hvernig fer baráttan um 2. sætið í 1. deild?

Lokaumferð 1. deildar karla fer fram nú á föstudaginn og getur margt enn gersi í þeirri deild. Fimm leikir fara fram og fá Þórsarar afhentan deildarmeistaratitilinn að leik loknum á Akureyri.

Förum yfir málin.

Þór Ak. hefur þegar tryggt sér 1. sætið og sæti í Dominosdeild karla að ári. Þeir fá ÍA í heimsókn.

Fjölnir er með 26 stig og mætir Skallagrími. Vinni Fjölnir enda þeir í 2. sæti en tapi þeir og Valur vinnur þá endar Fjölnir í 4. sæti. Ef Valur tapar og Fjölnir tapar með 20 stigum eða minna þá endar Fjölnir í 2. sæti en ef þeir tapa með meira en 20 þá enda þeir í 3. sæti. 2. til 4. sæti.

Skallagrímur er með 24 stig og mæti Fjölni. Vinni Skallagrímur með meira en 20 og Valur tapar þá endar Skallagrímur í 2. sæti, vinni þeir með 20 eða minna þá enda þeir í 3. sæti. Ef Skallagrímur tapar og Valur vinnur þá endar Skallagrímur í 4. sæti. 2. til 4. sæti.

Valur er með 24 stig og mætir Breiðablik. Vinni Valur og Skallagrímur vinnur Fjölni á meðan þá endar Valur í 2. sæti. Ef hins vegar Valur vinnur og Fjölnir vinnur Skallagrím þá endar Valur númer 3. Tapi Valur þá enda þeir númer 4. 2. til 4. sæti.

ÍA situr fast í 5. sæti og heimsækja Þór til Akureyrar.

Hamarsmenn eru fastir í 6. sæti og taka á móti Reyni frá Sandgerði.

Breiðablik í 7. sæti og heimsækir Val.

KFÍ og Ármann eru bæði með 6 stig og mætast í Kennaraháskólanum. Það lið sem vinnur endar í 8. sæti en hitt fellur í 2. deild.

Reynir Sangerði hefur ekki unnið leik og endar í 10. sæti en þeir heimsækja Hamar.

Staðan í 1. deild karla