Nýjasti þáttur Aukasendingarinnar er kominn í loftið þar sem nóg er um að vera. Stjórnandinn Davíð Eldur fær þá Jónfrí og Árna Jó, Strikerinn, til sín í stúdíóið til að fara yfir helstu fréttir vikunnar. Á meðal þess sem rætt er eru nýkrýndir Íslandsmeistaratitlar Njarðvíkur og Grindavíkur.
Sérstök athygli er vakin á stórkostlegri frammistöðu Jeremy Pargo fyrir Grindavík, en leikmaðurinn hefur heillað alla upp úr skónum að undanförnu. Gestir þáttarins kafa jafnframt ofan í nýjasta slúðrið úr körfuboltanum og skoða hvað er að gerast á bak við tjöldin. Aukasendingin er aðgengileg á rás Körfunnar á öllum helstu hlaðvarpsveitum.
Hérna er Aukasendingin á Spotify
Í þættinum er einnig velt vöngum yfir því hver muni taka við þjálfun karlaliðs Stjörnunnar af Baldri Þór Ragnarssyni, sem söðlaði um og gekk í raðir Álftaness á dögunum. Nokkrir kostir þykja koma til greina í Garðabænum og hafa eftirfarandi nöfn helst verið nefnd til sögunnar:
Hverjir eru líklegastir til að taka við Stjörnunni?
- Emil Barja – þjálfari kvennaliðs Hauka
- Ingi Þór Steinþórsson – aðstoðarþjálfari Stjörnunnar
- Benedikt Guðmundsson – þjálfari hjá Fjölni
- Lárus Jónsson – fyrrum þjálfari Þórs
- Craig Pedersen – þjálfari íslenska karlalandsliðsins
Aukasendingin er í boði Kristalls, Lykils, Bónus, Lengjunnar og Tactica.
