Fyrsti leikurinn í undanúrslitum Bónus deildar kvenna milli Hauka og Keflavíkur fer fram í Ólafssal í kvöld. Haukar mæta fullar sjálfstrausts inn í þessa rimmu eftir að hafa sópað Stjörnunni úr leik í átta liða úrslitunum með þremur sigurleikjum gegn engum. Það verður fróðlegt að sjá hvort hvíldin sem Haukakonur fengu nýtist þeim vel gegn baráttuglöðu liði Keflavíkur.
Keflavík þurfti að hafa talsvert meira fyrir því að tryggja sér sæti í undanúrslitunum eftir að hafa endað í sjötta sæti deildarinnar. Þær lentu í hörkurimmu gegn nýliðum KR sem fór alla leið í fimm leiki, þar sem Keflavík knúði fram 3-2 sigur í einvíginu. Þrátt fyrir langa syrpu mæta þær með dýrmæta reynslu úr oddaleiknum inn í þessa fyrstu viðureign gegn deildarmeisturunum.
Leikur dagsins
Bónus deild kvenna – Undanúrslit
Haukar Keflavík – kl. 19:15
