Risavaxnar fréttir af gríska boltanum fara nú hátt þessi misserin en Vassilis Spanoulis hefur gert þriggja ára samning við gríska liðið Olympiacos. Spanoulis kemur frá erkifjendunum í Panathiniakos en þessi tvö félög hafa um áratugabil eldað saman grátt silfur í gríska íþróttalífinu.
Síðustu fjögur ár hefur Spanoulis verið á mála hjá Panathiniakos og m.a. orðið grískur meistari, grískur bikarmeistari og verið fyrirferðamikill með liðinu í meistaradeild Evrópu. Á síðasta tímabili gerði hann 10,3 stig og gaf 3,6 stoðsendingar í 14 Meistaradeildarleikjum.
Ljósmynd/ Gríski landsliðsmaðurinn Vassilis Spanoulis er farinn frá Panathiniakos til Olympiacos. Hans fyrsti leikur á gamla heimavellinum gæti orðið ansi áhugaverður enda ástríðan og lætin í grísku stúkunum löngu heimsfræg.
