LeBron James og Dwight Howard voru í gær kjörnir einróma í lið ársins í NBA af valnefnd íþróttafréttamanna. Með þeim voru Kobe Bryant, Dwayne Wade og stigakóngurinn Kevin Durant.
Þetta er annað árið í röð sem James er valinn einróma en hann vann líka MVP-verðlaunin bæði í ár og í fyrra. James hefur fjórum sinnum verið valinn í lið ársins. Howard var valinn þriðja árið í röð og Kobe, sem fékk 119 af 122 atkvæðum í liðið, var valinn fimmta árið í röð og áttunda sinn á ferlinum. Þá var Wade valinn annað skiptið í röð og Durant í fyrsta skiptið.
Í fyrra varaliðinu (All-NBA Second Team) eru þeir Steve Nash, Dirk Nowitzki, Carmelo Anthony, Deron Williams og Amare Stoudemire.
Í seinna varaliðinu (All-NBA Third Team) eru þeir Tim Duncan, Joe Johnson, Pau Gasol, Brandon Roy og Andrew Bogut.
Mynd/AP
