01:08
{mosimage}
(Hörður Gauti Gunnarsson aðstoðarþjálfari KR kvenna)
„Já þrátt fyrir nýjasta trixið í bókinn að slökkva ljósin” sagði Hörður Gauti Gunnarsson, aðstoðarþjálfari KR, þegar fréttaritari Karfan.is spurði hann út í þá taktík sem Haukar beittu undir lok leiks í dag en Yngvi Gunnlaugsson, þjálfari Hauka, skipti Slavicu Dimovsku inn á og útaf vellinum í gríð og erg og lét hana einungis spila sókn líkt og í handbolta. Ljósin á Ásvöllum slökknuðu síðan þegar 11 sekúndur voru eftir af leiknum og mætti halda að það hafi jafnvel verið með ráðum gert en svo var ekki.
„Stelpurnar héldu haus allan tíman og það var það sem var lagt upp með að halda vörninni saman í 40 mínútur” bætti hann við og aðspurður hvort KR myndi sópa Haukaliðinu úr úrslitum líkt og þær gerðu við Keflavík sagði hann „Að sjálfsögðu er farið í hvern leik með það markmið að vinna hann. Við lögðum upp með að spila bara okkar leik og okkar vörn og það tókst í dag. Auðvitað verður það líka lagt upp með í DHL- höllinni”.
Yngvi Gunnlaugsson var að vonum ekki kátur með leik sinna stúlkna og sagði að leikur Hauka hafi ekki verið nógu beittur. „Já þetta var bara ekki nógu gott. Því miður vorum við ekki nógu beitt núna en þetta er nú bara fyrsti leikur.”
Tveggja stiga skotnýting Haukaliðsins var vægast sagt slök en þær hittu úr einungis rétt tæpum 23% skota sinna og Yngvi hafði þetta um málið að segja „Við gáfum okkur ekki alveg þá möguleika sem við vildum, skjótandi 23% utan af velli og sérstaklega nýtingin í fyrri hálfleik verður þess valdandi að við erum að elta leikinn og því fór sem fór”.
