Hlynur mættur til leiks með 12 stig í sigri

Ellefu Drekar tóku völl í kvöld þegar Sundsvall Dragons hafði 76-62 sigur á Umea BSKT í sænsku úrvalsdeildinni. Hlynur og tveir aðrir erlendir leikmenn liðsins máttu sitja hjá í síðasta deildarleik félagsins vegna sektaraðgerða sænska sambandsins í garð félagsins. Bót var gerð í því máli Sundsvall og Hlynur því aftur gjaldgengur á parketinu.

Hlynur gerði 12 stig í leiknum, tók 3 fráköst og gaf 1 stoðsendingu á rúmlega 22 mínútum í kvöld. Með sigrinum í kvöld setti Sundsvall fjögur stig á milli sín og Jakobs Sigurðarsonar og félaga í Boras en Sundsvall hefur leikið 22 leiki í deildinni en Boras 21 og á því einn leik til góða. 

Staðan í sænsku deildinni