10:00
{mosimage}
Daði Sigurþórsson formaður kknd Snæfells
Hlynur Bæringsson fyrirliði Snæfells bar höfuðið hátt en var engu að síður vonsvikinn eftir þetta einvígi.
„Þetta eru náttúrulega fáranleg vonbrigði, mjög mikil satt að segja en þeir áttu þetta skilið og voru sterkari og sterkari þegar á reyndi”
„Leikurinn fór alveg frá okkur í fjórða hlutanum og við áttum ekki svör í restina og þeir bara kláruðu allt betur. Við erum búnir að vera að taka skrefin í áttina að vera sigurvegarar í vetur og unnið stóra leiki í vetur eins og í bikarnum og svona en náðum ekki að klára okkur á þessu og þeir sýndu fram á að þeir eru alvöru sigurvegarar.”
Justin Shouse átti ekki sinn besta dag í skori og setti aðeins 7 stig en sagði í samtali við Karfan.is.
„Þetta augljóslega svekkjandi þegar við spilum eins og lið og töpum svo 3-0 bara þar sem fyrsti leikurinn var jafn og stefndi í mikla keppni. Þeir spiluðu sinn leik betur en við gátum spilað okkar leik og það kom niður á því að við vorum ekki með vörnina á hreinu og þeir skora þá bara yfir okkur 98 stig. Þeir voru einfaldlega betra liðið alla þrjá leikina, þeir spiluðu sinn stíl og við áttum engin svör. Við gáfum þeim fullt af stórum skotum og sóknarleikur þeirra er það góður auðsjáanlega.”
Þrátt fyrir hrakspár þá komiði til baka eftir áramót, takið bikarinn og komist í úrslit?
„Já þetta er í grunninn munurinn á frábæru tímabili og góðu miðað við úrslitin í þessari viðureign sem hefði verið frábært tímabil að klára en gott tímabil engu að síður, tveir bikarar og eftir jólin tel ég okkur hafa verið með eitt besta liðið og hafa átt skilið að komast svona langt þó svo við höfum endað þetta á slæmum leikjum. Stuðningurinn er líka búinn að vera frábær og ég fullyrði að við erum eina liðið sem er með stuðningsfólk á öllum leikjum allt tímabilið frá september til apríl.”
Verður þú áfram í Hólminum?
„Ég veit ekki alveg á þessari stundu en mér líður mjög vel þar og síðustu tvö ár hafa verið góð, gott fólk og frábært samfélag. En það kemur bara í ljós á næstu misserum.”
Daði Heiðar Sigurþórsson formaður Snæfells var niðurlútur eftir leik og hefur mikið mætt á honum í vetur á stóru tímabili, en hann bar sig vel og hrósaði Snæfellingum nær og fjær fyrir góðann stuðning.
„Við lögðum upp með það á tímabilinu að við myndum toppa á þessum árstíma í lokin fyrir úrslitakeppnina og það gekk allt saman eftir. Þetta munaði ákaflega litlu í þetta skipti og það er ekkert gefið eftir hér í Keflavík og þannig er það bara.”
„Stuðningurinn er ómetanlegur í Hólminum og víðar og þú sérð það að allt tímabilið er fólk að hópast á leiki en ekki bara í lokin þegar á að veita verðlaun og skiptir engu hvort menn spila vel eða illa það er bara mætt.”
Símon B. Hjaltalín
Mynd: [email protected]
