Bakvörðurinn Hjalti Valur Þorsteinsson verður ekki meira með Þór úr Þorlákshöfn í 1. deild karla þetta tímabilið sökum meiðsla. Þórsarar eru á toppi deildarinnar og mæta grönnum sínum úr FSu í kvöld.
,,Ég meiddist á hné á æfingu fyrir um tveimur vikum síðan. Ég var að fara upp í ,,lay-up” og þá gaf löppin sig og ég vissi strax að það var alvarlegt,” sagði Hjalti í samtali við Karfan.is. Ég sleit krossband fyrir tveimur árum en nú er reyndar ekki vitað hvort krossbandið sé slitið eða bara skaddað. Ég spila allavega ekki meira á þessu tímabili,” sagði Hjalti.
Hjalti lék níu leiki með Þór í 1. deild karla og var með 11,7 stig, 2,9 fráköst og 1,7 stoðsendingu að meðaltali í leik í þessum níu leikjum.
Mynd/ Hjalti Vignisson: Hjalti Valur á ferðinni með Þórsurum fyrr á leiktíðinni.
