Hjalti Þór Vilhjálmsson er nýr þjálfari Fjölnismanna en Grafarvogsliðið ákvað nýverið að framlengja ekki samning sinn við Örvar Þór Kristjánsson. Þetta er frumraun Hjalta með lið í úrvalsdeild en hann hefur um árabil verið viðriðinn yngriflokka þjálfun.
Hjalti er leikmaður Fjölnis en frá ráðningunni var greint í tilkynningu frá Körfuknattleiksdeild Fjölnis í kvöld. Hjalti mun ekki verða spilandi þjálfari hjá Fjölni og því verða þeir leikmanninum færri eftir þessa ráðningu og verður fróðlegt að sjá hvernig Hjalti muni spjara sig við eldskírnina í úrvalsdeild.
Mynd/ KKD Fjölnis – Hjalti og Steinar formaður KKD Fjölnis handsala ráðningarsamninginn í Dalhúsum.
