16:23
{mosimage}
Hjalti Friðriksson í Stjörnuleik Charlotte í fyrravetur
Hjalti Friðriksson sem sló rækilega í gegn með Gaston Day Spartans síðastliðin vetur hefur gengið aftur í raðir Valsmanna. Hjalti er buinn að vera að æfa með liðinu á undirbúningstímabilinu en hefur þó ekki ennþá skrifað undir.
Karfan.is náði tali af Hjalta eftir leikinn gegn Fjölnismönnum í Reykjavíkurmótinu í gær. Hjalti var að vonum ekki beint sáttur með leik liðsins í gær. “við lítum kannski ekki alveg rétt út núna. Við vorum í einhverjum villuvandræðum og aumingjaskap bara. Við erum bara að skokka fram og aftur völlinn og lélegt effort í vörninni. Bara aumingjaskapur, hreint og beint.”
Valsmenn hafa verið í baráttunni um að komast upp í úrvalsdeild síðastliðin ár en ekki gengið sem skildi. Hjalti segir að núna séu breyttir tímar. “ Við ætlum að vinna þetta allt. Fara bara beint upp, engin úrslitakeppni. Þó við myndum auðvita bara salta hana ef við förum í hana”.
Gísli Ólafsson
