Í dag fóru flókin skipti fram þegar fimm leikmenn fengu nýja vinnuveitendur. Það er þó ekkert óalgengt í NBA að svo margir leikmenn koma nálægt skiptum. En í þetta sinn voru alls fjögur lið sem áttu þátt.
Trevor Ariza fór til New Orleans frá Houston.
Darren Collison fór til Indiana frá New Orleans.
James Posey fór til Indiana frá New Orleans.
Troy Murphy fór frá Indiana til New Jersey.
Courtney Lee fór frá New Jersey til Houston.
Fljótt á litið virðist Indiana koma best út úr þessum skiptum. Þeir fá einn efnilegasta leikstjórnanda deildarinnar í Darren Collison en liðið hefur hingað til skort leikstjórnanda. Þegar ljóst var að Chris Paul yrði áfram í New Orleans var bara tímaspursmál hvenær Collison yrði skipt.
Mynd: Hinn ungi og efnilegi leikstjórnandi Darren Collison verður án efa leikmaður Indiana til margra ára.
