Eflaust svíður það að missa af viðureign erkifjendanna ÍR og KR og jafnvel enn meir þegar sá maður er Hertoginn Hreggviður Magnússon! Hreggviður tognaði illa á úlnlið undir lok viðureignar KR og Hauka í síðustu umferð eftir gróft og glórulaust brot hjá Christopher Smith.
Í fyrstu leit út fyrir að um brot væri að ræða en við nánari athugun kom í ljós að þetta var slæm tognun. Fjarvera Hreggviðs er blóðtaka fyrir KR en hann er með 11,4 stig og 3,7 fráköst að meðaltali í leik fyrir KR þetta tímabilið. KR-ingar búast þó við því að Hreggviður verði klár fyrir fyrstu umferð úrslitakeppninnar.
