13:44
{mosimage}
(Jóhannes t.v. og Axel t.h. appelsínugulir að lit)
Jóhannes Árnason þjálfari nýkrýndra bikarmeistara KR kvenna er sérdeilis brúnn og myndarlegur þessa dagana sem og aðstoðarmaður hans í kvennaliðinu Axel Óskarsson. Kapparnir lögðu hár sitt og ,,spreytan“ að veði gegn sigri hjá kvennaliði KR í bikarúrslitum.
Samkvæmt ,,áreiðanlegum“ heimildum frá Nordica Hilton Hotel þurfti sama magn af spreybrúnku á þá Jóhannes og Axel og er notað á átta konur. Ágúst Kárason og Stefán Helgi Valsson eiga heiðurinn að meðfylgjandi myndum og þótt KR hafi tapað gegn Haukum í gærkvöldi vantaði ekkert, nákvæmlega ekkert, upp á lúkkið hjá þjálfurunum. Þetta kannski kennir þeim að vera ekki að veðja við leikmenn sína, tja… nema ef ske kynni að þeim líkaði brúnkumeðferðin.
{mosimage}
{mosimage}
