Eins og glöggir lesendur hafa tekið eftir erum við í fullum gír að hita upp fyrir komandi átök í Finnlandi. Það er því ekki úr vegi að fagna með tveimur leikmönnum sem stóðu vaktina í Berlín fyrir tveimur árum þar sem þessir meistarar halda uppá afmæli sitt í dag. Þeir Ragnar Nathanaelson og Helgi Már Magnússon eiga afmæli í dag og því ber að fagna. Þessir tveir verða ekki í hópnum í Finnlandi en þó líklegt að þeir styðji sína menn til fulls. Aðspurðir sögðust þessir kappar taka við knúsum og kossum á förnum vegi í dag. Hvetjum lesendur til að taka þéttingsfast utan um þessa menn í dag.
