Helena Sverrisdóttir mun í dag leika sinn 80. leik fyrir Íslands hönd er liðið mætir Rúmeníu kl. 16:00 að íslenskum tíma í fyrsta leik sínum í undankeppni EuroBasket 2025. Fyrir leik dagsins er Helena jöfn Hildi Sigurðardóttur í efsta sæti landsleikjahæstu kvenna sögunnar með 79 leiki.
Helena hóf að leika með landsliðinu 14 ára gömul árið 2002, en þá var hún leikmaður Hauka. Síðan þá er liðið 21 ár og hefur hún einnig verið valin í landsliðið sem leikmaður TCU í bandaríska háskólaboltanum, Good Angels í Slóvakíu, Miskolc í Ungverjalandi, Polkowice í Póllandi og Vals á Íslandi.
Hér fyrir neðan má sjá þá 10 leikmenn sem eru landsleikjahæstir fyrir liðið, en Helena er sú eina á þeim lista sem ennþá er að spila. Reyndar þarf að leita alla leið niður í 17. sæti listans til að finna leikmann sem enn spilar, en þar situr Hildur Björg Kjartansdóttir með 38 leiki og þar fyrir neðan er liðsfélagi Helenu í Haukum og landsliðinu Þóra Kristín Jónsdóttir í 23. sætinu með 31 leik fyrir Íslands hönd.
Hérna má sjá leikjafjölda allra leikmanna
