TCU tapaði í nótt sínum fyrsta leik af þremur á Paradise Jam mótinu sem nú fer fram á Jómfrúareyjum. Helena Sverrisdóttir var stigahæst í liði TCU sem mátti sætta sig við 49-62 ósigur gegn West Virginia háskólanum sem er í 10. sæti yfir sterkustu háskólalið landsins.
Helena skoraði 20 stig í leiknum á 33 mínútum, hún var einnig með 5 fráköst og einn stolinn bolta. Liðsmenn TCU hafa ekki mikinn tíma til þess að berja höfðinu upp við vegg eftir þetta fyrsta tap tímabilsins því í nótt er aftur annar leikur og þá gegn Iowa State sem er í 17. sæti yfir sterkustu skóla landsins.
