Helena Sverrisdóttir og stúlkurnar í CCC Polkowice töpuðu naumlega fyrir Atrego Bydgoszcz í pólsku deildinni fyrr í kvöld, 66-64. Polkowice byrjuðu leikinn hörmulega og skoruðu ekki stig fyrstu 6 mínútur leiksins en tóks svo að jafna leikinn um miðbik annars leikhluta. Leikurinn var mjög jafn þaðan af og allt þar til leiksloka en Bydgoszcz voru sterkari á lokasprettinum.
Helena skoraði 14 stig, skaut 4/10 utan af velli auk þess að hitta 5/5 í vítum. Hún bætti einnig við 5 fráköstum og 5 vörðum skotum.
Sigrún Sjöfn Ámundadóttir og félagar hennar í Norrköping Dolphins í sænsku deildinni töpuðu illa fyrir Jamförelse í kvöld eða 42-76. Sigrún var stigahæst ásamt öðrum leikmanni í liði höfrunganna með 9 stig, var 3/11 í skotum og þar af 2/8 í þristum. Þar að auki tók hún 5 fráköst.
