Miskolc mátti sætta sig við nauman ósigur í Middle European League (MEL) í gær þegar liðið heimsótti Cajky. Lokatölur voru 61-57 Cajky í vil. Helena Sverrisdóttir lék í 19 mínútur í liði Miskolc og gerði 6 stig í leiknum.
Miskolc hefur nú leikið fjóra leiki í deildinni, unnið tvo og tapað tveimur og sitja í sjötta sætti en alls 11 lið skipa deildina. Næsti leikur Miskolc í deildinni er þann 20. október þegar liðið mætir Pink Pecs 424 á útivelli.
