TCU tók á móti UNLV í bandarísku háskóladeildinni í nótt þar sem TCU hafði 79-64 sigur í leiknum. Emily Carter var stigahæst í liði TCU með 25 stig og næst henni var Starr Crawford með 16 stig en Helena Sverrisdóttir var þriðja stigahæst í sigurliði TCU með 13 stig.
Helena var í byrjunarliðinu og lék í 30 mínútur. Hún var aukareitis við 13 stigin með 9 stoðsendingar og 8 fráköst. Nú eru aðeins þrír leikir eftir hjá TCU í Mountain West deildinni áður en Mountain West Championship mótið hefst en að því loknu tekur við fyrsta umferð í NCAA úrslitakeppninni.
Næstu þrír leikir TCU í MWC deildinni eru gegn Colorado State, New Mexico og Utah. TCU er sem stendur í efsta sæti Mountain West deildarinnar með 10 sigra og 3 tapleiki en þar á eftir kemur BYU skólinn með 9 sigra og 3 tapleiki.
