16:30
{mosimage}
Jeff Mittie, þjálfari körfuboltaliðs TCU-háskóalns í Bandaríkjunum segir að Helena Sverrisdóttir sé fjölhæfur leikmaður sem komi til með að nýtast liðinu vel á leiktíðinni.
Undirbúningstímabilið í bandaríska háskólaboltanum er nú í fullum gangi en TCU leikur í 1. deildinni. Það gerir einnig UTPA-háskólinn sem María Ben Erlingsdóttir leikur með.
Þær eru fyrstu íslensku körfuboltakonurnar sem spila í þessari deild síðan að Kristín Blöndal lék með Charleston Southend frá árunum 1993 til 1997.
Helena mun væntanlega spila sem leikstjórnandi en Mittie segir að hún geti vel nýst í fleiri leikstöðum. „Hún býr að mikilli alþjóðlegri reynslu og er góður alhliðaleikmaður sem getur skotið að utan. Við vonumst til að boltameðferð hennar komi að góðum notum á tímabilinu."
Tímabilið hefst föstudaginn 9. nóvember næstkomandi en liðið leikur æfingaleik á morgun.
Mynd: www.vf.is