15:02
{mosimage}
(Ólafur Yngvason)
Það voru einungis sex Reynismenn sem mættu til leiks á Ísafirði í gærkvöldi er liðið mætti heimamönnum í KFÍ í 1. deild karla. Þeir sýndu þó góða baráttu og voru tvímælalaust betra liðið í fyrri hálfleik og þá sérstaklega Ólafur Ingvason sem sólaði sig oft í gegnum vörn Ísfirðinga eins og ekkert væri auðveldara.
Heimamenn hafa þó fengið svakalega ræðu í klefanum frá Borce, þjálfara KFÍ, því þeir mættu tvíelfdir til leiks í þriðja leikhluta og náðu fljótlega tveggja stafa forustu og héldu henni alveg til loka. Mikið var dæmt í leiknum og þegar rúmlega 2 mínútur voru eftir voru einungis fjórir Reynismenn inn á vellinum. Ísfirðingar slökuðu þó ekkert á klónni og pressuðu Sandgerðinga allan völlinn. Þegar um ein og hálf mínúta var eftir skipti Borce inná þremur yngstu meðlimum liðsins, sem allir eru í 10.flokkog kláruðu þeir leikinn með sæmd. Lokastaðan 108-88.
Texti: Sturla Stígsson
Mynd: www.vf.is – Ólafur Aron Yngvason átti fínan leik í Reynisliðinu en KFÍ hafði stigin út úr leiknum.
