Í dag fer fram heil umferð í Domino´s deild kvenna og hefjast allir fjórir leikirnir kl. 19:15. Íslandsmeistarar Snæfells heimsækja Hamar í Hveragerði og bikarmeistarar Hauka taka á móti Val í Schenkerhöllinni. Suðurnesjaslagur verður í Röstinni þegar Grindavík tekur á móti Keflavík og þá eigast við Breiðablik og KR í Smáranum.
Leikir dagsins í Domino´s deild kvenna, 19:15:
Breiðablik – KR
Hamar – Snæfell
Grindavík – Keflavík
Haukar – Valur
Einn leikur er í 1. deild karla en þá eigast við Þór Akureyri og ÍA kl. 16:00 í Síðuskóla og í 1. deild kvenna mætast KFÍ og Fjölnir kl. 14:00.
Mynd/ Blikar taka á móti KR í Smáranum þar sem Blikar geta með sigri rifið sig upp úr botnsæti deildarinnar.
