Haukar jörðuðu Þór í seinni hálfleik

Í Icelandic Glacial Höllinni mættust Þór og Haukar í 17. mmferð Dominos deildarinnar. Þórsarar unnu fyrri leikinn í Haukaheimilinu en aðeins 2 stig skildu liðin að í deildinni og því búist við hörkuleik.

 

 

Í fyrsta leikhluta virtust gestirnir hafa komið yfir heiðina án vandræða og byrjuðu leikinn betur og komust fljótlega í 9-2. Eftir að hafa verið vaktir af byrjun Haukamanna náðu heimamenn að bíta frá sér og koma leiknum í járn. Skiptust liðin á körfum út leikhlutann og höfðu heimamenn forystu 26 – 23.

 

Annann leikhluta byrja Þórsara betur og komast í 32-25, og leit út fyrir að heimamenn væru að finna taktinn. Gestirnir létu ekki taka sig í bólinu og minnkuðu muninn hratt og ná að jafna fljótlega. Hálfleiksflauta gall eftir að liðin hefðu skiptst á því að hafa fárra stiga forystu hvort um sig en hálfleikstölur voru 48-46 heimamönnum í vil.

 

Í seinni hálfleik virtist Ívar hafa predikað yfir sínum mönnum og mættu þeir mun beittari á völlinn. Hálfgert andleysi virtist yfir heimamönnum og náðu þeir engan veginn að finna taktinn hvorki í vörn né sókn. Boltinn hreyfðist lítið í sókninni gegn vörn Haukamanna sem hafði fundið leiðir til þess að loka á sóknaleik heimamanna. Hjá Haukum virtist allt ganga betur upp og Emil Barja, Haukur Óskars og Alex Francis drógu vagninn bæði í stigaskori og spiluðu hörku vörn. Haukar ná góðri forystu 67-52 eftir baráttukafla en náðu heimamenn að grípa inn í og minnka muninn í 67-61 og lýkur leikhlutanum 69-63. Enn opinn leikur í höllinni þó svo að ekki hafi verið mikið um tilþrif hjá heimamönnum.

 

Fjórði leikhluti var alger einstefna gestanna. Sett var í algeran lás í vörninni og náðu þeir að knýja fram hvern tapaða boltann á fætur öðrum hjá Þórsurum en voru þeir samtals 21 í síðari hálfleik. Gekk meira að segja svo langt að reynt var að gefa á Jón Guðmundsson dómara leiksins úti í hægra horni, en Þórsaranum til varnar var Jón að sjálfsögðu galopinn í þessu þriggja stiga skoti. Haukarnir taka síðasta leikhlutann 30-8 og sáu heimamenn ekki til sólar í þessum leikhluta. Til að mynda skoruðu Haukar síðustu 15 stig leiksins gegn engu stigi heimamanna.

 

Haukar vel að þessum sigri komnir og um feit stig að ræða í baráttunni um sæti í úrslitakeppninni. Þórsarar halda því miður upp þeim hætti að geta ekki unnið fleiri en 2 leiki í röð í deildinni en þýðir lítið að horfa um öxl því leikur strax á sunnudag gegn Skallagrími.

 

Darrin Govens nálægt þrennunni þrátt fyrir frekar slakan leik 22 stig, 13 fráköst, 7 stoð

Grétar Ingi 17 stig, 9 fráköst

Tómas og Nemanja Sovic 10 stig og 5 fráköst hvor

Baldur Þór 9 stig, 3 stoð

Emil Einarsson 3 stig

Aðrir minna en Þórsarar töpuðu 32 boltum í leiknum og kann það ekki góðri lukku að stýra

 

Emil Barja á stórleik með 28 stig, 6 fráköst, 4 stoð og 3 stolna bolta.

Alex Francis með myndarlega tvennu 25 stig, 14 fráköst og 6 stoð

Haukur Óskarsson 19 stig, 6 fráköst og 5 stoð

Kári Jónsson 12 stig, 6 fráköst og 6 stolna

Kristinn Marinósson 9 stig og 11 fráköst

Hjálmar Stefánsson 4 stig, 4 fráköst og 4 stoð

Helgi Björn Einarsson 2 stig og 3 fráköst

 

Deildarkeppni
Nr.	Lið	U/T	Stig
1.	KR	16/1	32
2.	Tindastóll	13/4	26
3.	Stjarnan	10/7	20
4.	Njarðvík	10/7	20
5.	Haukar	9/8	18
6.	Þór Þ.	9/8	18
7.	Keflavík	8/9	16
8.	Grindavík	8/9	16
9.	Snæfell	8/9	16
10.	ÍR	4/13	8
11.	Fjölnir	4/13	8
12.	Skallagrímur	3/14	6