Það hitnaði í kolunum þegar Pacers og Jazz mættust í nótt eftir að Rudy Gobert og Myles Turner lentu saman í kjölfarið á að Turner varði skot Goberts.
Gobert og Turner, ásamt Joe Ingles og Donovan Mitchell, voru allir reknir í sturtu fyrir sinn þátt í deilunum. Engin þeirra mun þó hljóta bann en í staðinn voru þeir sektaðir af deildinni um 20-35 þúsund dollara.
Fjórmenningarnir voru ekki þeir einu sem fengu sektir eftir leiki næturinnar því Fred VanVleet fékk 15 þúsund dollara sekt fyrir að taka “big-balls” fagnaðartilþrifin sem Sam Cassell gerði fræg hér um árið eftir lykilkörfu sína í sigri Toronto Raptors á Philadelphia 76ers í nótt.
