Harden fór mikinn í sigri Houston

Sjö leikir fóru fram í NBA deildinni í nótt. Houston Rockets með James Harden fremstan í flokki unnu þá góðan 129-103 útisigur gegn Sacramento Kings. Harden kallinn splæsti í 43 stig, já „Fear the Beard“ enda gerði Harden þetta á 31 mínútu.

 

 

Harden var einnig með 8 stoðsendingar í leiknum en hjá Sacramento var Rudy Gay með 25 stig og 6 stoðsendingar. Eins og stendur í dag er Houston þriðja liðið inn í úrslitakeppni Vesturstrandarinnar en Sacramento er ekki inni eins og stendur og á liðið reyndar nokkuð í land með að verða líklegt fyrir sæti í úrslitakeppninni.