Hvað ætli leikmenn setji á fóninn rétt fyrir leik?
Við fengum leikmann Vals, Hallveigu Jónsdóttur, til þess að ljóstra upp fyrir okkur hvaða lög það væru sem hlustað væri á til þess að koma sér í gírinn.
Valur fær meistara Snæfells í heimsókn kl. 17:00 í öðrum leik undanúrslitaeinvígis liðanna.
Hallveig:
Strákarnir – Emmsjé Gauti
Þetta lag hefur verið fast í hausnum á mér síðan það kom út, mér finnst það einfaldlega rosalega gott og svona frekar rólegt svo þetta er fyrsta lagið á listanum.
Eminem – Mockingbird
Ég veit ekki hvað ég get sagt um þetta lag, það er bara snilld.
Adele – Hello
Þetta er lag liðsins, við hendum þessu á inn í klefa fyrir leiki og syngjum það saman (ég er ekki að grínast).
Really really – Kevin Gates
Þetta er „harða“ lagið sem ég hlusta á fyrir leiki.
Hymn for the weekend – Coldplay
Maður kemst alltaf í gott skap við að hlusta á þetta lag, geggjaður taktur og grípandi.
Party up in here – DMX
Þetta er svona yfirleitt lokalagið, kemur mér í almennilegan gír fyrir leikinn.
Þorparinn – Pálmi Gunnarsson
Ég ætla bara að viðurkenna hrifningu mína á þessu lagi, alltaf spilað í Hólminum fyrir leiki og ég elska það.
