Gunnhildur Gunnarsdóttir fyrirliði Íslands- og bikarmeistara Snæfells hefur framlengt samningi sínum við félagið. Heimasíða Snæfells greinir frá.
Gunnhildur var iðin við kolann á nýafstöðnu tímabili en hún lyfti bikarnum í Laugardalshöll fyrir Hólmara og Íslandsmeistaratitilinn sendi hún á loft í Hafnarfirði eftir sigur á Haukum í oddaleik.
Á heimasíðu Snæfells segir:
Gunnhildur var valin í Úrvalslið Domino´s-deildar kvenna 2015-16 og jafnframt kosin besti varnarmaður Domino´s-deildar kvenna 2015-16 á lokahófi Körfuknattleikssambands Íslands sem fór fram nú á dögunum.
Mynd/ Bára Dröfn
