KR og Grindavík mætast í Domino´s deild karla í kvöld og má gera ráð fyrir miklum slag. KR-ingar eins og flestir þekkja hafa unnið alla leiki sína í deildinni til þessa en Grindvíkingar sitja í 3. sæti deildarinnar með 7 sigra og 4 tapleiki. KR hafði öruggan sigur í fyrri leik liðanna í fyrstu umferð í Röstinni og gulir meistararnir ætla sér eflaust að kvitta fyrir þá útreið í kvöld.
Grindvíkingum hefur gengið vel í DHL Höllinni upp á síðkastið og unnið samtals 6 af síðustu 10 viðureignum liðanna sem farið hafa fram í Vesturbænum.
Síðustu tveir leikir KR og Grindavíkur í DHL Höllinni voru í úrslitakeppninni á síðustu leiktíð. Grindavík vann seinni leikinn 88-92 en KR þann fyrri 90-72.
Stærsti sigur Grindavíkur í þessum 10 síðustu leikjum sínum í DHL Höllinni var 26 stiga sigur, 59-85 þann 24. nóvember 2011 en stærsti sigur KR var í síðustu úrslitakeppni, 18 stig eða 90-72. Í öllu falli, það ætti að verða umtalsverð skemmtunin sem er í boði í kvöld.
Mynd/ [email protected] – Þorleifur Ólafsson og Grindvíkingar mæta í DHL Höllina í kvöld.
