Um allan heim gengur fólk um í mislituðum sokkum til heiðurs Alþjóðlega Downs-deginum sem haldin er hátíðlegur í dag. Með því er margbreytileika heimsins fagnað og hafa margir tekið þátt á borð við Guðna Th. Jóhannesson forseta Íslands.
Meistaraflokkur Grindavíkur mun leika í mislituðum sokkum gegn Stjörnunni í kvöld í lokaumferð Dominos deildar kvenna. Frá þessu greinir Lovísa Falsdóttir leikmaður Grindavíkur á twitter fyrr í dag. Á sama tíma skorar hún á fleiri lið í deildinni að taka þær til fyrirmyndar.
Mótherjar Grindavíkur í kvöld er Stjarnan sem samkvæmt heimildum Karfan.is ætla einnig að leika í mislituðum sokkum og hafa sótt um leyfi til KKÍ til þess.
Karfan.is tekur undir áskoranir til liðanna að leika í mislituðum sokkum og skorar einnig á alla blaðamenn og starfsmenn leikjanna að mæta í mislituðum sokkum í tilefni dagsins.
Við í Grindavík ætlum að spila í mislituðum sokkum í kvöld. Skorum á önnur lið sem spila í kvöld að gera slíkt hið sama. #WDSD17 #korfubolti
— Lovísa (@LovisaFals) March 21, 2017
Downs félagið hefur hvatt til þess að deila myndum mislituðu sokkunum á Instagram með hashtaginu #downsfelag og #downsdagurinn.