Það var boðið upp á algjöra körfuboltaveislu í Meistaravöllum þegar KR og Stjarnan mættust í fjórða leik liðanna í 8-liða úrslitum Bónus deildar karla.
Fyrir leikinn var staðan 2-1 fyrir Stjörnuna og KR-ingar knúðir til að vinna til að knýja fram oddaleik. Eftir ótrúlega baráttu, tvær framlengingar og tilfinningalegan rússíbana, var það Stjarnan sem stóð uppi sem sigurvegari, 115-118, og tryggði sér þar með farseðilinn í undanúrslitin þar sem þeir mæta Tindastóli.
Karfan spjallaði við Jakob Örn Sigurðarson þjálfara KR eftir leik á Meistaravöllum.
