15:27
{mosimage}
(Michael Jordan er liðtækur golfari en lætur líklega seint sjá sig á Flúðum)
Þá liggur fyrir staður og stund á golfmóti körfuboltamanna árið 2008. Föstudagurinn 12.júní kl. 14:00 á golvellinum á Efra-Seli á Flúðum.
Á mótið eiga erindi allir þeir sem einhvern tíma hafa komið nálægt körfubolta, sem leikmenn, dómarar, stjórnarmenn eða á einhvern annan hátt og eru að fikta við golfið. Einnig eru makar velkomnir. Leiknar verða 18 holu punktakeppnir, bæði með og án forgjafar, þar sem gefin hámarksforgjöf verður 24 hjá körlum og 28 hjá konum.
Þetta er í tólfta sinn sem mótið fer fram og hefur þátttakan verið ágæt hingað til. Það verða allir ræstir ræstir út samtímis kl. 14:00, svo keppendur ljúki leik á svipuðum tíma og geti því átt góða stund í golfskála að leik loknum og rifjað upp gamlar stundir. Nánari upplýsingar og skráning er hjá Ríkharði Hrafnkelssyni í síma 897-6279 eða tölvupósti [email protected]
Með bestu kveðju frá Stykkishólmi,
Ríkharður Hrafnkelsson
