Tryggvi Snær Hlinason og Bilbao máttu þola tap í fyrri leik sínum gegn Legia Warszava í 16 liða úrslitum FIBA Europe Cup, 83-64.
Tryggvi Snær lék tæpar 17 mínútur í leiknum og skilaði 10 stigum, 9 fráköstum, stoðsendingu, stolnum bolta og vörðu skoti, en hann var framlagshæstur í liði Bilbao í leiknum.
Leikið er heima og heiman og því ljóst að Bilbao bíður ærið verkefni að vinna með 19 stigum eða meira á heimavelli sínum til að tryggja sig áfram þann 13. mars.
